Të paktën dy persona u vranë dhe tre të tjerë u plagosën në një shpërthim në një fabrikë në qytetin iranian të Baqershahr, afër kryeqytetit Teheran në orët e para të mëngjesit të së martës.
Shpërthimi ndodhi menjëherë pas orës 3 të mëngjesit, me kohën lokale dhe raportohet se ishte rezultat i ‘pakujdesisë në mbushjen e rezervave të oksigjenit’, sipas guvernatorit të rrethit Kahrizak.
Shërbimet e urgjencës erdhën menjëherë në vendin e ngjarjes dhe parandaluan që zjarri të përhapet në ndërtesat e afërta.
“Shpërthimi ishte aq i fuqishëm sa muret e fabrikës Saipa Press aty pranë u shkatërruan plotësisht,” shtoi administratori Amin Babai.
Një seri shpërthimesh dhe zjarresh janë dëshmuar në të gjithë vendin javët e fundit.
Ndërkohë, autoritetet në Teheran kanë mohuar raportet për një shpërthim në kompleksin bërthamor Shahid Rezaei Nejad në Yazd.
Një zjarr shpërtheu pranë kompleksit javën e kaluar, por natyra e incidentit mbetet e panjohur për arsye sigurie. Autoritetet pohuan se nuk kishte materiale bërthamore në vendngjarje dhe asnjë rrjedhje të materialit radioaktiv.
