Një incident i paprecedent në Brazil, ku një gazetare e CNN-it u sulmua dhe u grabit ndërkohë që ishte në transmetim live.
Bruna Macedo dhe ekuipazhi i saj ishin afër Urës Bandeiras në São Paulo, për të raportuar mbi nivelin e ujit në rritje në lumin Teté për shkak të shirave të dendur.
I dyshuari fillimisht ishte shfaqur në sfond duke kaluar në urë, ndërsa Macedo fliste me kolegun në studio, Rafael Colombo.
Pasi kaluan rreth dy minuta, burri i afrohet reporters e cila mendoi se ishte një qytetar që donte të fliste dhe e pyet për përmbytjen në qytet.
Por ai nxjerr një thikë dhe e kërcënon, e gazetarja e shokuar i jep një nga celularët që kishte.
Kamera u rrëzua dhe filloi të jepte pamje nga rruga. Gazetarja më pas i dha hajdutit edhe celularin tjetër e më pas ai u largua.
Colombo tha se reporterja Macedo nuk u plagos dhe se ajo u kthye shëndoshë e mirë në qendrën e CNN-it pas incidentit.
https://www.youtube.com/watch?v=jZDfU86q8iw
