Vendosni fjalën kyçe....

Rimbursohet taksa vjetore për 7204 mjete, kategoritë që përfitojnë


7204 mjete që kryejnë shërbime transporti do përfitojnë rimbursimin e taksës nga ana e qeverisë.

Sipas njoftimit të publikuar nga kryeministri në Facebook, që ka publikuar edhe listën e mjeteve përfituese, për ata që e kanë paguar këtë taksë tashmë, rimbursimi do bëhet në çastin e pagesës së taksës së vitit të ardhshëm.

Njoftimi

Ministria e Infrastrukturës dhe Energjisë, sjell një shembull të shkëlqyer solidariteti nga DPSHTRR për sektorin e transportit rrugor të pasagjerëve.

Një rast i bukur ku një ent publik me vetëfinancim, nisur dhe nga rezultatet e mira për 2019-ën ofron, nga të ardhurat e veta të akumuluara, të mbulojë 100% taksën vjetore (tvmp), për gjithë vitin 2020, për 7,204 mjete!

Nga kjo paketë solidare e DPSHTRR-së në vlerën 170,194,500 lekë përfitojnë 7,204 mjete të kategorisë:

🔺Autobus (mbi 8+1),

🔺Transport qytetës,

🔺Transport rrethqytetës,

🔺Transport ndërqytetës,

🔺Shërbime të rastit (turistik brenda e jashtë vendit),

🔺Ndërkombëtar të rregullt,

🔺Transport për personele,

🔺Transport për llogari të subjekteve brenda e jashtë vendit!

Ky akt mbështet njëkohësisht subjektet e lartpërmendura, buxhetin e shtetit dhe direkt bashkitë!

Institucionet përgjegjëse do të mundësojnë që brenda majit kjo paketë të hyjë në fuqi!

ps: Ata që i kanë paguar, do të kompensohen në momentin e pagesës së tvmp pasardhëse!