Shkon në 409 numri i të infektuarve me koronavirus në vend, me 9 raste të reja të regjistruara në 24 orët e fundit. Kjo do të thotë se ka rënë përsëri kurba e rritjes së pandemisë, pasi të mërkurën pati 17 raste të reja.
Siç bëri me dije Ministria e Shëndetësisë, pas testimit të 234 personave, rastet e reja janë shënuar në Tiranë (6 raste) dhe në Elbasan (3 raste).
Ndërkohë, sot i janë shtuar listës së të shëruarve 11 pacientë të tjerë, duke e çuar numrin e të shëruarve nga COVID-19 në 165.
