Kreu i Shtetit Ilir Meta, në një intervistë për emisionin “360 gradë”, deklaroi se situata politike në Shqipëri është tensionuar qëllimisht nga një person i vetëm.
“Tensioni në Shqipëri është i provokuar qëllimisht. Tensioni qëndron tek arbitrariteti i një individi që ka rrëzuar një sistem të tërë në vend me mjaft sukses dhe të gjitha këto dështime kërkon t’i mbulojë duke krijuar edhe debate plotësisht të pa nevojshëm. Është një strategji për të mbijetuar pa rregulla loje përmes presioneve, kapjes së medias, linçimeve”- tha Presidenti Meta.
