Katër breza të një familjeje amerikane janë shuar pas një aksidenti ajror. Aksidenti sipas BBC ndodhi të shtunën, ku një familje e madhe po kthehej për në shtëpi në Idaho pas një udhëtimi, por avioni me të cilin ata po fluturonin u rrëzua në Dakotën e Jugut.
Nëntë anëtarë të familjes humbën jetën ndërsa vetëm tre prej tyre shpëtuan. Në mesin e viktimave ishin Jim Hansen Sr dhe dy djemtë e tij Kirk dhe Jim Jr, të cilët kanë qenë drejtues të kompanisë së naftës Conrad & Bischoff dhe që kanë themeluar markën e kujdesit për lëkurën, Kyani.
Dy nga djemtë e Kirk Hansen gjithashtu humbën jetën në aksident, së bashku me dy nga dhëndërit e tij. Viktimat e tjera ishin djali i Jim Jr dhe një nip.
Hetuesit ende nuk dinë një shkak për përplasjen, por një zëdhënës i tha Associated Press se moti i keq mund të jetë një nga faktorët.
Familja Hansens janë përshkruar nga banorët e zonës në Idaho Falls si “shtylla e komunitetit”. Brian Wood zbuloi mesazhe që tregonin se dy vëllezërit Hansen kishin paguar shumë herë fshehurazi për familjet që s’mund të përballonin shpenzimet e varrosjes së të afërmve të tyre në raste fatkeqësish. Emri i pilotit të avionit nuk është bërë i ditur zyrtarisht, por vetë Kirk Hansen kishte një certifikatë piloti.
Familja Hansen bënte një udhëtim të përvitshëm për gjueti fazanësh, në këtë sezon. Por udhëtimi i fundit u kushtoi jetën.
