Vendosni fjalën kyçe....

Aksident i rëndë në Tiranë, dy adoleshente humbin jetën, tre të tjerë në spital


Një aksident i rëndë ka ndodhur sot në aksin e vjetër në Berzhitë të Tiranës, ku kanë humbur jetën dy vajza adoleshente.

Mësohet se një automjet, që drejtohej nga një 18-vjeçar me inicialet F. SH., ka dalë nga rruga dhe është pëtplasur me një pemë. Dy vajzat adoleshente, njëra 17 vjeçe e quajtur Denada Tarja dhe tjetra gjithashtu 17 vjeçe, Suada Serani ishin pasagjere në mjet.

Ndërkohë, drejtuesi i automjetit, së bashku me dy pasagjerë të tjerë me inicialet O. M., 14 vjeç dhe L. M., 14 vjeç janë dërguar në spital. Paraprakisht dyshohet se aksidenti ka ndodhur si pasojë e lagështirës. 

“Në aksin e vjetër rrugor, në Bërzhitë, automjeti me drejtues shtetasin F. SH.,18 vjeç, si pasojë e lagështirës ka dalë nga rruga.

Për pasojë kanë ndërruar jetë dy nga pasagjeret në automjet, D. T, 17 vjeçe dhe S. S, 17 vjeçe.

Drejtuesi i automjetit F. SH së bashku me dy pasagjerët e tjerë O. M, 14 vjeç dhe L. M, 14 vjeç ndodhen në SQU nën kujdesin mjeksor.”, thuhet në njoftimin e policisë.

Grupi hetimor ndërkohë ka nisur punën për zbardhjen e rrethanave dhe shkaqeve të aksidentit.


Leave a Reply

Your email address will not be published. Required fields are marked *