Shtatë persona përfshirë dy ushtarë kanë humbur jetën pas reshjeve të dendura të dëborës në Kashmirin e administruar nga India.
Reshjet e dëborës që filluan të mërkurën në mbrëmje kanë bllokuar rrugën, shkëputur energjinë elektrike dhe kanë shkaktuar dëme të shumta materiale.
‘Në 24 orët e fundit shtatë persona u vranë në incidente të lidhura me dëborën në të gjithë rajonin,’ tha një zyrtar i qeverisë lokale.
Autostrada kombëtare Srinagar-Jammu, e vetmja lidhje mes Luginës së Kashmir dhe pjesës tjetër, gjithashtu është mbyllur. Zyrtarët në aeroportin e Srinagar, thanë se 32 fluturime u anuluan për shkak të motit të keq.
