Një aksident i rëndë ka ndodhur në rrugën Tiranë-Elbasan e si pasojë ka humbur jetën një person.
Një mjet tip “Seat” me targa të huaja është përplasur nga një kamion 10 metra nga dalja e tunelit dhe si pasojë ka humbur jetën drejtuesi i autoveturës.
Kjo e fundit ka qenë me gaz dhe pas përplasjes me kamionin ka shpërthyer në flakë duke i marrë jetën drejtuesit.
Viktima është dërguar në morgun e spitalit të Elbasanit ndërsa policia po heton për zbardhjen e dinamikës së aksidentit.
