Vendosni fjalën kyçe....

Arrestohen dy serbë në Kosovë për “spiunazh”


Policia e Kosovës ka arrestuar dy serbë nën dyshimet për “spiunim”. Radio Evropa e Lirë shkruan se arrestimi i të dyshuarve është bërë të mërkurën, në pikën kufitare te Dheut i Bardhë.

Lajmi është konfirmuar për REL nga zëdhënësi i policisë së Kosovës, Daut Hoxha.

 “Arrestimi është bërë gjatë kontrollit të një automjeti e tipit Ford Galaxy, të cilin e drejtonte personi i dyshuar mashkull/serb (i lindur në vitin 1959) dhe së bashku me të, si pasagjer ndodhej edhe personi tjetër, poashtu i dyshuar, mashkull/serb ( i lindur ne vitin 1978)”, tha Hoxha.

Zëdhënësi i Policisë së Kosovës shpjegon se pas vlerësimit të informacioneve dhe dokumenteve të gjetura tek personat e dyshuar, është njoftuar prokurori i shtetit dhe “pas konsultimeve të nevojshme dy të dyshuarit janë arrestuar dhe ndaj tyre është inicuar rasti si “spiunazh” konform Kodit Penal të Republikës së Kosovës”

Me vendim të prokurorit, dy të dyshuarit janë dërguar në mbajtje. Policia nuk ka dhënë më shumë detaje për rastin.

Zyra për Kosovën e Qeverisë së Serbisë, kërkoi lirimin e menjëhershëm të dy serbëve të arrestuar nga Policia e Kosovës.

Kjo zyrë vlerëson se arrestimi ishte “një sulm ndaj popullit serb në Kosovë”.

VINI RE: Ky artikull është pronësi intelektuale e REL

 


Leave a Reply

Your email address will not be published. Required fields are marked *