Vendosni fjalën kyçe....

SHBA kërkon mbledhje të jashtëzakonshme me Iranin


SHBA-ja njoftoi sot se ka kërkuar një mbledhje të jashtëzakonshme të Këshillit të Guvernatorëve të IAEA-së, për të debatuar për shmangiet nga marrëveshja bërthamore e vitit 2015 nga ana e Iranit, i cili kohët e fundit ka kaluar një limit të vendosur mbi rezervat e tij të uraniumit të pasuruar.

Retorika mes SHBA-së dhe Republikës Islamike të Iranit, u tensionua kur kjo e fundit e rrëzoi një dron amerikan në Lindje të Mesme. Sipas SHBA-së, droni ishte duke fluturuar në hapësirë neutrale ajrore, ndërsa Irani pretendon se droni ishte futur në hapësirën e tyre ajrore.

Madje Presidenti i SHBA-së, Donald Trump, kishte thënë se ai kishte anuluar në momentet e fundit planin për sulmimin e Iranit, e këtë ai e arsyetoi me faktin se do të vdisnin 150 persona.

SHBA-ja u largua nga Marrëveshja Bërthamore e Iranit, e kjo gjë nuk u prit mirë. Bashkimi Evropian, vazhdimisht ka bërë thirrje për qetësim të situatës, ndërsa Rusia në anën tjetër gjithashtu u largua nga marrëveshja.