Ish-deputetja e PD-së, Tabaku, ka renditur 7 arsye, pse Rama duhet të ikë si kryeministër.
Tabaku shkruan në llogarinë e saj në Facebook, se kreu i qeverisë është përgjegjës për varfërimin e shqiptarëve, për eksodin masiv të tyre, për shëndetësinë e rrënua, për koncesionet, vjedhjet e korrupsionin.
Ndërsa thekson se opozita nuk do bëjë asnjë hap pas deri në largimin e kryeministrit Rama.
“7 arsye pse Rama duhet te ike!
* 300 mijë familje jetojnë në varfëri ekstreme e 60 mijë fëmijë ushqehen vetëm një herë në ditë, ndërkohë vetëm zyra e Kryeministrit kushton 1,6 milion euro.
* 500 mijë shqiptarë kanë braktisur vendin e 130 mijë të rinj bankat e shkollës nga pamundësia ekonomike, ndërkohë 1 miliard euro janë shpenëzuar për zyra, automjete, bileta udhëtimesh, karburant e çdo luks për administratën e rilindjes.
* U propagandua shëndetësi falas por spitalet nuk kanë as medikamentet minimale, ndërkohe 385 milion euro shkojnë për 4 koncesione korruptive në shëndetësi.
* Paketa 1 miliard euro e koncesioneve, sot ka shkuar 2,2 miliard euro, për vetëm 14 koncesione korruptive, pa asnjë benefit për qytetarët.
* 4,2 miliard euro është demi i konstatuar nga Kontrolli i Lartë i Shtetit.
* 300 milion euro për 11 miqtë e Ramës vetëm nga tenderat (pa përfshirë koncsione/ppp, leje minerare, ankande, qira të tokave shtetërore, investime strategjike e çdo kontratë tjeter publike) ndërkohë 50 biznese të ndershme mbyllen çdo ditë.
* 140 milion euro, fatura e vendimeve të Gjykatave për largime të padrejta nga administrata, faturë e cila nuk është shteruese pasi Gjykata e Lartë është tërësisht jashtë funksioni.
ASNJË HAP PAS!”
