Policia ka arrestuar në flagrancë një 40-vjeçar në Pogradec, pasi po transportonte në mënyrë të paligjshme shtetas të huaj.
40-vjeçari me iniciale E.B., banues në Tiranë, u kap në fshatin Lin, me mjetin minibus tip “Mercedes-Benz”, duke transportuar drejt Kosovës kundrejt shumës 50 Euro për person, 14 shtetas të huaj.
Njoftimi i policisë:
Pogradec
Arrestohet në flagrancë një shtetas për veprën penale “Ndihma për kalim të paligjshëm të kufijve”.
Specialistët e Seksionit për Krimet, në Komisariatin e Policisë Pogradec, bënë arrestimin në flagrancë të shtetasit:
E.B, 40 vjeç, banues në Tiranë.
Arrestimi i tij u bë pasi ky shtetas u kap në fshatin Lin, me mjetin minibus tip “Mercedes-Benz”, duke transportuar drejt Kosovës kundrejt shumës 50 Euro për person, 14 shtetas të huaj.
Materialet i kaluan Prokurorisë pranë Gjykatës së Shkallës së Parë Pogradec për veprime të mëtejshme.
