Vijojnë replikat mes kryeministrit Edi Rama dhe presidentit të vendit Ilir Meta për çështjen e mosdekretimit të Gent Cakajt si ministër të Jashtëm.
Pak minuta më parë Meta është shprehur se nuk ka nuk ka fuqi në botë t’i bëjë presion e shantazh Presidentit. Por Presidenti i vendit nuk i ka kursyer edhe akuzat ndaj kryeministrit Rama teksa është shprehur se ka kërcënuar Zaganin, Nuhun, gazetarë dhe pronarë mediash.
I menjëhershëm ka qenë edhe reagimi i Ramës i cili është shprehur “se Metës ose i ka vjedhur passwordin e faqes zyrtare Kryemadhi ose pastaj është në atë fazën kur i bën thirrje popullit për të marrë armët”.
“Mos e merrni seriozisht ju lutem, ose i ka vjedhur Doktorresha e Shkencave passwordin e faqes zyrtare ose pastaj eshte ne ate fazen kur i ben thirrje popullit per te marre armet, ngaqe s’di si te dale nga gropa qe i hap vetes! I çova provat e mekatit ndaj Gentit dhe vuan tani”, shprehet Rama.
