Me sistem njëpartiak socialist ligjvënësit kubanë miratuan në mënyrë unanime Kushtetutën e re të vendit. Ata miratuan kushtetutën e re e cila përmban 229 nene dhe do të zëvendësojë atë të “erës së ftohtë”, sanksionon sërish Partinë Komuniste si forca udhëheqëse e vendit, si dhe dominimin e shtetit në ekonomi. Duhet të theksojmë se ky sistem lejon martesat gay.
Dokumenti, që ende nuk është bërë publik, sidoqoftë legjitimon biznesin privat që ka lulëzuar dekadën e fundit, pranon rëndësinë e investimeve të huaja dhe hap derën për martesat “gay”, sipas medies shtetërore.
“Kubanë të sotëm, besnik ndaj traditave. Ne po miratojmë sot Kushtetutën e re, si një shprehje e vendosmërisë, besnikërisë ndaj trashëgimisë së kryekomandantit të revolucionit kuban, Fidel Castro, dhe me votën tonë i themi po revolucionit, sovranitetit dhe pavarësisë së atdheut, unitetit, socializmit dhe angazhimit ndaj heronjve dhe martirëve të më shumë se 150 viteve betejë për liri”, tha Miguel Diaz-Canel, president i Kubës.