“Duam shkollim me dinjitet, ku studenti ka të drejtë!”. Kjo është thirrja më e fundit e studentëve të cilët janë duke protestuar që prej orës 10 të mëngjesit të sotëm. Ata kanë kërkuar sot që protesta e tyre të mos politizohet.
Po kështu iu kanë bërë thirrje prindërve dhe pedagogëve të bashkohen me kërkesat e tyre. Ata janë shprehur se nuk do ta ndalojnë protestën e tyre deri të plotësohen 8 kërkesat e tyre.
Deri të martën kanë paralajmëruar se i kanë dhënë afat kësaj qeverie për plotësimin e kërkesave. Nëse nuk plotësohen kjo protestë do përshshkallëzohet, sipas tyre.
“Shqiptarët janë me ne”, “Studentët e bashkuar kanë për të fituar”, janë duke brohoritur studentë.
