Arta Marku Prokurorja e Përgjithshme e Përkohshme ka vendosur të thërrasë një mbledhje të përgjithshme të prokurorëve për të zgjedhur listën e prokurorëve për Këshillin e Lartë të Prokurorisë.
Sipas njoftimit kjo mbledhje do të zhvillohet më 11 dhjetor në orën 09:00 në një hotel privat në Tiranë. Thirrja e kësaj mbledhje vjen pasi sot, Komisioni i Pavarur i Kualifikimit i ka dërguar prokurorisë listën e plotë të prokurorëve që kanë kaluar me sukses procesin e Vetting-ut.
Nga mbledhja e Përgjithshme e Prokurorisë do të zgjidhen 6 Prokurorë për në KLP, ndërsa 5 anëtarët e tjerë do të zgjidhen jashtë sistemit të drejtësisë.
