Kreu i opozitës Lulzim Basha në një deklaratë për mediat pas takimit me përfaqësuesit e Partisë Konservatore është shprehur se kandidatët për deputet të PD-së do përzgjidhen nga vendimmarrja e anëtarësisë.
Më tej Basha u shpreh se statuti i PD-së parashikon që kandidatët të jenë njerëz me integritet dhe vlera demokratike.
“I urdhëroj mirëseardhjen dy zotërinjve. PD prej prillit ka miratuar në statutin e saj një proces të përzgjedhjes së kandidatëve për deputet që e kalon vendimmarrjen tek anëtarësia e PD. Po ashtu ka vendosur po në këtë statut garancitë që kandidatët të jenë njerëz me integritet dhe vlera të larta morale dhe përkushtim ndaj vlerave për të cilat qëndron PD, demokracisë e lirisë”-deklaroi Basha.
