Gjykata e Apelit të Krimeve të Rënda ka liruar nga burgu duke lënë në arrest shtëpie ish-deputetët e Partisë Socialiste, Arben Çuko e Arben Ndoka.
I pari lidhur me transferimin e një të dënuari në periudhën kur ishte drejtor i Burgjeve, kurse i dyti për tjetërsim pronash në Lezhë.
Dy ish-zytarët e lartë u arrestuan gjatë operacioni “Volvo 4” lidhur me laboratorin e drogës që u gjet në Brenog të Hasit, dosjes për tjetërsimin e pronave në Lezhë si dhe “Dosjes 339”.
Për 4 të tjerë pjesë e dosjeve u mor masa detyrim paraqitjeje ndërsa 17 persona mbetën në burg.
Pjesë e këtyre dosjeve janë edhe anëtarët e fisit Avdylaj nga Shijaku, të cilët janë përgjuar duke komunikuar me kryebashkiakun e Durrësit, Vangjush Dako.
Vetë Dako nuk e ka mohuar njohjen me ta, por ka deklaruar se nuk u ka vërë asnjë favor.
Ndërkohë njëri nga anëtarët e fisit Avdylaj, në seancën e shkuar thirri në sallën e gjyqit: “Rroftë Vangjush Dako, rroftë Partia Socialiste, atje i qaj hallet e mia.”
