Mesditën e sotme ka ndodhur një vrasje në Fier, afër gjimnazit “Janaq Kilica”. Sipas policisë viktima është 16-vjecari Dionis Vrenozi nga Hoxhara e Vjetër.
Mësohet se i riu është goditur disa herë me thikë. Dyshohet se ka patur një sherr mes viktimës dhe një të riu tjetër. Policia ka identifikuar autorin e dyshuar të kësaj ngjarje dhe është në kërkim të tij. Policia njofton se autori i dyshuar është 17-vjeçari me iniciale F.G.
Njoftimi i policisë:
Policia identifikon autorin e dyshuar të plagosjes me thikë në vendin e quajtur “Zogu i Zi” ku si pasojë e plagëve të mara ndërroi jetë shtetasi i plagosur.
Sot në datën 18.10.2018, rreth orës 16:30 ka shkuar në Spitalin Rajonal Fier i plagosur me mjet prerës shtetasi D.V, 16 vjeç, banues në Hoxharë të Vjetër.
Eshtë shpallur në kërkim si autor i dyshuar i ngjarjes shtetasi F.G, rreth 17 vjeç dhe po punohet për kapjen e tij.
Shtetasi i dëmtuar ka ndërruar jetë në Spitalin Rajonal Fier.
Është ngritur grupi hetimor i cili po punon për zbardhjen e plotë të rrethanave të ngjarjes.
Forca të shumta policie nga Komisariati i Fierit dhe nga Sektori për Krimet e Rënda kanë ngritur pika të shumta kontrolli dhe po punojnë për kapjen e autorit.
