Partia Demokratike ka depozituar në Kuvend një kërkesë zyrtare për thirrjen e Këshillit për Rregulloren, Mandatet dhe Imunitetin, lidhur me çështjen e imunitetit të zv/kryeministres Belinda Balluku, për të cilën SPAK ka kërkuar autorizim për arrestim.
Në shkresën drejtuar nënkryetarit të Kuvendit, Niko Peleshi, e firmosur nga deputetët e opozitës, kërkohet që mbledhja e Këshillit të zhvillohet nesër, më 30 dhjetor.
Kjo kërkesë vjen pas përpjekjes së dështuar të së premtes, kur opozita kishte paralajmëruar mbledhjen e radhës, por ajo nuk u zhvillua pasi salla ku ishte planifikuar takimi rezultoi e mbyllur.
Çështja e imunitetit të Belinda Ballukut pritet të jetë në fokus të debatit politik, ndërsa SPAK kërkon autorizimin e Kuvendit për vijimin e procedurave hetimore ndaj saj.
