Parlamenti Europian u zhyt në kaos të enjten, ndërsa ligjvënësit konservatorë goditën tavolinat e tyre në shenjë proteste dhe bërtitën kur u refuzua kërkesa që seanca të mbante një minutë heshtje për Charlie Kirk .
Kërkesa ishte udhëhequr nga eurodeputeti suedez Charlie Weimers , i cili e quajti atë një qëndrim “për të deklaruar se e drejta jonë për lirinë e fjalës nuk mund të shuhet”.
“Zonja Presidente, të dashur kolegë, vrasja e aktivistit politik Charlie Kirk, një bashkëshort, baba i dashur dhe patriot, ka tronditur botën. Ne duhet ta dënojmë fuqimisht dhunën politike dhe retorikën që nxit dhunë. Ju lutem qëndroni me mua në reflektim dhe lutje në nder të tij, dhe unë ia kushtoj pjesën tjetër të kohës sime një momenti heshtjeje”, tha ai.
Presidentja Roberta Metsola e hodhi poshtë propozimin, duke thënë se homazhe të tilla mund të mbahen vetëm në hapje të një seance plenare, e cila tashmë kishte kaluar, duke shtuar se mundësia tjetër për të kërkuar heshtje do të ishte tetori.
Kur Weimers vazhdon të përpiqet t’ia lërë kohën e tij të folurit një homazhi në heshtje, kryetarja e seancës Katarina Barley e Socialistëve dhe Demokratëve e ndërpreu fjalën.
“E kemi diskutuar këtë çështje dhe, siç e dini, presidentja ka thënë jo për një minutë heshtje”, deklaroi Barley, duke shkaktuar përplasje të zemëruara duarsh mbi tavolina nga deputetët e djathtë dhe duartrokitje nga ata të qendrës e të majtës, shkruan MediaIte.
