Presidenti amerikan Trump e bëri të qartë të mërkurën se administrate e tij “nuk po kërkon një luftë afatgjatë” me Iranin.
Trump iu përgjigj shqetësimeve midis anëtarëve të bazës “Make America Great Again” se Shtetet e Bashkuara do thitheshin në një luftë afatgjatë, ndërsa iu përgjigj një pyetjeje nga Brian Glenn i “Real America’s Voice”.
“Nuk po kërkojmë një luftë afatgjatë. Po kërkojmë dhe po e them se dua vetëm një gjë, Irani nuk mund të ketë armë bërthamore. Kaq është,” tha Trump.
“Nuk po kërkoj në plan afatgjatë, as në plan afatshkurtër dhe e kam thënë këtë për 20 vjet. E kam thënë si civil. Shumë thjesht, Irani nuk mund të ketë armë bërthamore. Kaq është,” vijoi ai.
Trump shkroi në Tëitter në vitin 2011, para se të hynte në botën politike, se Irani nuk mund të ketë armë bërthamore, dhe ka qenë i vendosur në qëndrimin e tij gjatë gjithë karrierës së tij politike dhe fushatës presidenciale në vitin 2024, shkruan Breitbart.
Trump i dha Iranit një afat prej 60 ditësh, i cili skadoi të enjten, më 12 qershor, për të arritur një marrëveshje për t’i dhënë fund programit të tij bërthamor. Të premten, Izraeli filloi të godiste centralet bërthamore, udhëheqësit ushtarakë dhe rafineritë iraniane.
Trump deklaroi të martën se “ne kemi kontroll të plotë të qiellit mbi Iran” dhe zbuloi se ekipi i tij e dinte vendndodhjen e saktë të Ajatollah Ali Khameneit.
Kur u pyet të mërkurën nëse SHBA-të po i afroheshin sulmit ndaj lokacioneve bërthamore iraniane, Trump tha se “nuk mund ta them këtë”.
“Nuk mendoni seriozisht se do t’i përgjigjem kësaj pyetjeje? A do ta godisni bazën bërthamore iraniane dhe në çfarë ore saktësisht, zotëri? Zotëri, a do ta godisnit? A mund të na informoni, ju lutem, që të jemi atje dhe të shikojmë?’” tha ai, duke e tallur gazetarin.
“Dua të them, ju nuk e dini që unë do ta bëj. Ju nuk e dini. Mund ta bëj. Mund të mos e bëj. Dua të them, askush nuk e di se çfarë do të bëj”, shtoi ai.
