Të paktën 14 persona kanë vdekur pasi një gomone që transportonte emigrantë të parregullt u fundos në Detin Egje, në brigjet e qytetit turk të Bodrumit.
Pas marrjes së një thirrjeje urgjence se një gomone me emigrantë ishte fundosur pranë Ortakentit në Bodrum, në vendngjarje u dërguan katër anije të Rojës Bregdetare Turke, një ekip zhytjeje, një helikopter dhe disa ekipe shpëtimi, shkruan Anadolu Agency.
Gjatë operacioneve, 2 emigrantë në rrezik mbytjeje u shpëtuan nga Roja Bregdetare.
Sipas personit që kërkoi ndihmë, ata ishin nisur nga zona e Bitezit me një gomone të mbushur plot, me 18 persona në bord. Rreth 10 minuta pas nisjes, gomonia kishte filluar të merrte ujë dhe ishte fundosur.
Individi thuhet se notoi për rreth gjashtë orë për të arritur në breg, duke nxitur nisjen e një operacioni kërkim-shpëtimi.
