Vendosni fjalën kyçe....

Piloti bën formën e penisit në qiell në mbështetje të lojtarit të kombëtares, shkarkohet menaxheri i kompanisë


‘Pobeda Airlines’ e Rusisë ka shkarkuar menaxherin e saj të fluturimit Denis Petrikov, pasi kompania u akuzua për shkelje të masave të sigurisë në ndryshimin e rrugës së saj të fluturimit në mbështetje të dukshme të kapitenit të ekipit kombëtar, Artem Dzyuba.

Drejtori i përgjithshëm i kompanisë Andrey Kalmykov mori një vërejtje të ashpër për incidentin, i cili tërhoqi vëmendjen e autoritetit federal ajror rus Rosaviatsiya, i cili po hetonte veprimet e pilotëve.

Vendimi për të penalizuar zyrtarët e Pobeda u mor nga bordi i drejtorëve të kompanisë të martën.

Më 11 nëntor, aeroplani i Pobeda, i cili po fluturonte nga Moska në Ekaterinburg, u devijua nga rruga e tij standarde e fluturimit për të bërë disa simbole shtesë, duke krijuar një vizatim gjigant në formën e penisit në qiell.

Masa u bë me sa duket në mbështetje të Dzyuba, i cili kohët e fundit ishte përfshirë në një skandal të madh, pasi një video e tij duke kënaqur veten u zbulua në internet.

Rruga e pilotit në formë penisi tërhoqi shumë vëmendjen e publikut, me Pobeda Airlines që u akuzua për shkelje të masave të detyrueshme të sigurisë dhe vënien e pasagjerëve të saj në rrezik.