Vendosni fjalën kyçe....

Macron shkon në teatër me gruan e tij Brigitte, protestuesit mundohen të futen brenda (VIDEO)


Protestuesit kundër reformës së pensioneve janë përpjekur të hyjnë në një teatër në Paris, ku presidenti Emmanuel Macron mori pjesë në një shfaqje me gruan e tij.

Siç shkruan Reuters, turma e protestuesve ishte mbledhur jashtë Teatrit Des Bouffes du Nord të premten në mbrëmje, kur çifti presidencial po ndiqte një shfaqje.

Videot në mediat sociale i tregojnë protestuesit duke brohoritur “Macron jep dorëheqjen” dhe në një moment përpiqen të hyjnë në shfaqje.

“Kishte një përpjekje të pushtimit të teatrit, por çifti presidencial ishte në gjendje të qëndronte deri në fund të shfaqjes dhe u largua nga vendi i ngjarjes me makinë rreth orës 10:00 me një eskortë policie”- tha një burim i afërt me Macron.

Prania e presidentit në teatër u bë e ditur përmes një postimi në rrjetet sociale nga gazetari dhe aktivisti politik Taha Bouhafs, i cili gjithashtu ndodhej në teatër.

“Ai u arrestua më vonë nga policia, sipas një burimi gjyqësor”, shkruan Reuters. Pas një viti protestash nga “Jelekët e Verdhë”, kur kjo lëvizje nisi të qetësohej u ngritën kundër Macron, kundërshtarët e reformës së pensioneve, të cilët kanë organizuar një aksion më të drejtpërdrejtë.


Leave a Reply

Your email address will not be published. Required fields are marked *