Izraeli dhe Irani u angazhuan në ditën e tretë radhazi të një lufte intensive dhe të hapur të shtunën dhe të dielën, me dy kombet që nisën sulme shkatërruese ndaj njëri-tjetrit.
Sipas shërbimit izraelit të urgjencës “Magen David Adom”, sulmet iraniane vranë të 10 persona, duke e çuar numrin total të të vdekurve në 14. Aeroporti kryesor ndërkombëtar dhe hapësira ajrore e Izraelit kanë mbetur të mbyllura për të tretën ditë radhazi.
Në Iran, sulmet izraelite kanë ëuar në të paktën 406 vdekje dhe 654 të plagosur, siç raportohet nga Aktivistët e të Drejtave të Njeriut me bazë në Uashington, megjithëse qeveria e Iranit nuk ka publikuar shifra zyrtare të viktimave, shkruan RT.
Forcat e Mbrojtjes së Izraelit (IDF) shënjestruan infrastrukturën kritike të energjisë në Iran, duke goditur një rafineri në fushën e gazit South Pars – më e madhja në botë – dhe një depo nafte në Teheran. Në hakmarrje, Irani qëlloi një breshëri raketash në Tel Aviv, duke goditur blloqe apartamentesh banimi dhe goditi një rafineri nafte në Haifa.
Të premten, avionët luftarakë izraelitë bombarduan objektiva të shumtë në gjithë Iranin, përfshirë një qendër pasurimi të uraniumit në Natanz, dhe kryen vrasje të synuara të disa komandantëve të lartë ushtarakë dhe shkencëtarëve. Irani u hakmor duke qëlluar dhjetëra raketa balistike në Izrael.
Kryeministri izraelit Benjamin Netanyahu tha se sulmet, kishin për qëllim parandalimin e Iranit nga ndërtimi i armëve bërthamore. Irani e dënoi sulmin si të paprovokuar dhe pezulloi bisedimet bërthamore me SHBA-në, me raundin e fundit të negociatave të planifikuara për të dielën.
Izraeli nisi sulmet e tij një ditë pasi mbikëqyrësi ndërkombëtar bërthamor, IAEA, akuzoi Iranin për shkelje të detyrimeve të tij. Irani i hodhi poshtë akuzat si të motivuara politikisht.
Edhe pse SHBA-të këmbëngulën se nuk ishin të përfshira, presidenti Trump mbështeti operacionin izraelit. Rusia dënoi Izraelin dhe bëri thirrje për deeskalim.
Presidenti rus Putin pati një telefonatë me Trump të shtunën, gjatë së cilës ata ranë dakord për mundësinë e rifillimit të negociatave mbi programin bërthamor të Iranit, sipas ndihmësit të politikës së jashtme të Putinit, Yuri Ushakov.
Izraeli goditi një ndërtesë që i përket Ministrisë së Punëve të Jashtme të Iranit, tha zëvendësministri i Jashtëm iranian Saeed Khatibzadeh në një postim në X. Ndërtesa ndodhet përballë Institutit për Studime Politike dhe Ndërkombëtare, i cili ishte gjithashtu në shënjestër sipas Khatibzadeh.
Irani qëlloi të paktën 30 raketa në qytetet izraelite, përfshirë Haifën dhe Jerusalemin, shkroi gazeta Times of Israel. Sipas Magen David Adom (shërbimi kombëtar i emergjencës), të paktën dy persona u plagosën lehtë në Haifa.
Sirenat e sulmeve ajrore u dëgjuan në gjithë Izraelin të dielën në mbrëmje, ndërsa raketat balistike u lëshuan nga Irani, duke shkaktuar alarme në qytete dhe qyteza nga Haifa në veri deri në rajonin jugor të Negevit.Sirenat u aktivizuan në Lartësitë Golan, Galile dhe zonat qendrore duke përfshirë Tel Avivin, rajonin Dan, zonën bregdetare të Sharonit, ultësirën Shephelah, Lakishin dhe zonat përreth Rripit të Gazës. Alarme shtesë u lëshuan pranë Detit të Vdekur dhe në gjithë Izraelin jugor.
Raportet fillestare treguan të paktën dy goditje të drejtpërdrejta: një goditje në një ndërtesë në Izraelin verior dhe një tjetër në një ndërtesë banimi në jug. Shpërthime u dëgjuan në të gjithë vendin, ndërsa sistemet mbrojtëse u përballën me kërcënime hyrëse. Shërbimet e emergjencës raportuan se, deri më tani, nuk janë konfirmuar të lënduar.
Autoritetet po përgatiten për lëshime të tjera raketash nga Irani në minutat në vijim.Përpara lëshimeve, Komanda e Frontit të Brendshëm paralajmëroi se priten alarme për raketa në të gjithë vendin. Pak momente më vonë, ushtria konfirmoi se raketat ishin qëlluar nga Irani drejt territorit izraelit.
Korpusi i Gardës Revolucionare Islamike (IRGC) të Iranit duket se ka pësuar një goditje të rëndë të dielën pasdite, pasi një sulm i synuar izraelit në qendër të Teheranit thuhet se vrau figura të larta në drejtorinë e saj të inteligjencës, shkruan Ynet.
Sipas raporteve fillestare, komanda e lartë e krahut të inteligjencës së IRGC-së ishte midis atyre që u eliminuan në sulm, duke shënuar një nga goditjet më serioze të drejtpërdrejta në aparatin e sigurisë së brendshme të Iranit që nga fillimi i operacionit parandalues të Izraelit.Identitetet dhe numri i saktë i viktimave nuk janë konfirmuar zyrtarisht nga autoritetet iraniane, por burimet sugjerojnë se sulmi kishte për qëllim nivelin e lartë të udhëheqjes së inteligjencës së IRGC-së.
Ushtria izraelite vrau shefin e inteligjencës së Gardës Revolucionare Islamike, Gjeneral Brigade Mohammad Kazemi, së bashku me zëvendësin e tij, Gjeneralin Hassan Mohaqiq, tha Benjamin Netanyahu për Fox Neës.
Kryeministri Benjamin Netanyahu ka mohuar raportet se presidenti i SHBA-së Trump “vëri veton” ndaj një plani izraelit për të vrarë udhëheqësin suprem iranian, Ajatollah Ali Khamenei, gjatë një interviste me Fox Neës.
Presidenti i SHBA-së, Donald Trump, i ka bërë thirrje Izraelit dhe Iranit të ndalojnë luftimet dhe të arrijnë një marrëveshje, duke shtuar se “shumë telefonata dhe takime” tashmë po bëhen midis përfaqësuesve iranianë, izraelitë dhe amerikanë.
Forcat ajrore izrarelite kanë kryer aksione të shumta në Iran në përgjigje të breshërisë së raketave iraniane që kanë goditur Tel Avivin dhe qytete të tjera. Siç duket në fotot dhe videot e publikuara më poshtë, objektiv kanë qenë baza ushtarake, seli të Gardës Revolucionare, kazerma si dhe objekte për nxjerrjen e naftës dhe gazi.
1- Kazermat Nabouk, të vendosura në veri të sheshit kryesor në Mahdasht, Karaj, u goditën qartë nga një dron ose mikrodron, pasi nuk u vunë re gjurmë raketash. 2 – Zona e Aeroportit Mehrabad në Teheran 3 – Objektet e gazit dhe naftës në Ahvaz, Irani jugor, janë goditur në një sulm të ri. 4 – Selia e IRGC-së në Teheran është goditur. 5 – Zona Bonak në Teheranin veriperëndimor aktualisht po përjeton bombardime intensive. 6 – Pamjet tregojnë dy bomba të drejtuara izraelite GBU-32 JDAM që godasin një objektiv në Kermanshah. 7 – Një ndërtesë që ka të bëjë me IRGC-në goditet dhe shembet
Kryeministri Netanyahu ishte sot në vendin e goditjes me raketë balistike në Bat Yam ku u zotia se Irani do paguajë çmim shumë të shtrenjtë për dëmtimin e civilëve izraelitë: “Irani do të paguajë një çmim shumë të lartë për vrasjen e qëllimshme të civilëve, grave dhe fëmijëve.”
