Një ngjarje e rëndë është shënuar paraditen e sotme në Peqin. Nga informacionet e para mësohet se një punëtor, i identifikuar si Faik Rronci, 58 vjeç, i kësaj bashkie ka gjetur vdekjen, pasi ka rënë nga lartësia, ku ka qenë duke krasitur pemët.
Policia ndodhet në vendin e ngjarjes dhe po punon për zbardhjen e plotë të ngjarjes.
“Rreth orës 09:30, dyshohet se gjatë punës për krasitjen e pemëve në lagjen “Xhami”, është rrëzuar aksidentalisht, punonjësi i bashkisë, shtetasi F. Rr., 58 vjeç, banues në Peqin. Si pasojë e dëmtimeve, ai ka humbur jetën, në spital”, njofton policia.
