Të paktën 107 palestinezë u vranë dhe 165 të tjerë u plagosën në 24 orët e fundit ndërsa Izraeli vazhdon sulmin e tij në Rripin e rrethuar të Gazës, tha të shtunën Ministria e Shëndetësisë e enklavës.
“Okupacioni izraelit kreu 12 masakra kundër familjeve në Rripin e Gazës, duke lënë 107 dëshmorë dhe 165 të plagosur gjatë 24 orëve të fundit”, tha ministria në një deklaratë.
Pavarësisht një vendimi të përkohshëm nga Gjykata Ndërkombëtare e Drejtësisë muajin e kaluar, Izraeli vazhdon sulmin e tij në Rripin e Gazës, ku të paktën 27,238 palestinezë janë vrarë, kryesisht gra dhe fëmijë, dhe 66,452 janë plagosur që nga 7 tetori, sipas autoriteteve shëndetësore palestineze.
Izraeli ka goditur Rripin e Gazës që nga një sulm ndërkufitar i Hamasit, ku u vranë 1200 izraelitë.
