Chelsea ka marrë fitoren e tretë rradhazi në Premier League. Blutë e Londrës mposhtën me rezultatin minimal 1-0 skuadrën e Fulham. Një penallti e Palmer në fund të pjesës së parë i mjaftoi ekipit të Pochetinos për tre pikëshin e rradhës në kampionat.
Ndërkohë pjesë e lojës së sotme ishte dhe sulmuesi i kombëtares sonë Armando Broja i cili u aktivizua nga fillimi në majën e sulmit dhe u zëvëndësua në minutën e 66′ nga Madueke.
Në një moment ai ishte pranë realizimit të golit në pjesën e parë. Chelsea shkon në kuotën e 31 pikëve në vendin e tetë, ndërkohë që javën e ardhshme në Premier League do të përballen me Liverpool në “Anfield”.
