Pamja befasuese e një treni që mbante qindra njerëz në çati, është kapur në video, teksa po shkonte drejt kufirit Meksikë-SHBA.
Treni po udhëtonte nga Meksika qendrore për në Piedras Negras, një qytet kufitar pikërisht përballë Eagle Pass, Teksas, me pasagjerët në çati që me sa duket shpresonin të kalonin në SHBA.
Pamjet u shpërndanë në X nga gazetari Auden Cabello dhe vijnë në mes të një rritjeje të vijueshme të emigrantëve, me një numër të lartë njerëzish që përpiqen të hyjnë në SHBA.
Në përgjigje të krizës së vijueshme kufitare, Dogana dhe Mbrojtja Kufitare e SHBA-së ka thënë se do pezullojë dhe pakësojë përkohësisht përpunimin e automjeteve në pikat hyrëse në Teksas dhe Arizona.
