Erisa Xhixho, nënkryetarja e Partisë së Lirisë ka reaguar në lidhje me konsumimin e tullumbaceve të azotit nga adoleshentët, të cilat janë të rrezikshme për shëndetin e të rinjve.
Përmes një shkrimi në rrjetin social Facebook është shprehur e indinjuar për rastin në fjalë dhe ka bërë thirrje publike që konsumimi i këtij gazi të dëmshëm duhet të ndalohet me ligj.
Ajo tha se e ka ngritur si shqetësim në Komisionin e Ligjeve mungesën me bazë ligjore nëpër lokalet e Tiranës ku kjo lëndë shitet hapur fare, por ka theksuar ajo Ministria e Shëndetësise ngul këmbë që nuk ka vakum ligjor ndonëse çdo ditë të rinjtë vuajnëe pasojat duke përfunduar edhe në spital.
Reagimi i plotë:
Tollumbacet me azot mbeten rrezik për shëndetin e të rinjve tanë. Konsumimi i këtij gazi të dëmshëm duhet të ndalohet me ligj.
Pak ditë më parë, në Komisionin e Ligjeve ngrita shqetësimin e mungesës së bazës ligjore për të parandaluar helmimin masive që po u shkaktohet adoleshentëve nëpër lokalet e Tiranës, ku kjo lëndë shitet hapur dhe me faturë.
Ndërsa Ministria e Shëndetësisë ngul këmbë që nuk ka vakum ligjor, çdo ditë të rinjtë vuajnë pasojat e tollumbaceve me azot, duke përfunduar edhe në spital.
Një ligj i qartë që e fut këtë lëndë në substancat e ndaluara për konsum, përtej atij mjekësor, është emergjencë.
Është emergjente të veprojmë sot, pasi shëndeti i fëmijëve tanë duhet të jetë prioritet.
