Një grek dhe një shqiptar janë vënë nën hetim pasi tentuan të kalojnë kufirin në Kakavijë me 47 mijë euro të padeklaruara. Ata i kishin fshehur paratë, në automjet ose në çantë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprat penale “Mosdeklarimi në kufi i të hollave dhe i sendeve me vlerë” dhe “Pastrimi i produkteve të veprës penale ose veprimtarisë kriminale”.
