Kryeministri i Shqipërisë Edi Rama, deklaroi në emisionin “Rubikon” në Klan Kosova se homologut të tij Albin Kurti i shkruan edhe në WhatsApp por se ai rrallë i kthen përgjigje.
“Unë flas, ai dëgjon por nuk flet. Rrallë ma kthen por s’ka lidhje është çështje komunikimi ose vazhdimisht e përsërit mesazhin e tij”, theksoi ai.
Kryeministri Rama ka kërkuar që të organizohet një konferencë për arritjen e marrëveshjes në mes të Kosovës dhe Shqipërisë.
“Një konferencë për mua, ku mbyllen dhe të mos dalin pa e mbaruar të gjithën”, theksoi kryeministri.
