Një akuarium gjigant që mbante një milion litra ujë dhe rreth 1500 peshq ekzotikë shpërtheu të premten në kryeqytetin gjerman Berlin.
‘AquaDom’ në hollin e hotelit ‘Radisson Blu’ konsiderohej si akuariumi cilindrik më i madh i lirë në botë.
Ndërtimi i rezervuarit të peshkut 14 metra i gjatë kushtoi 12.8 milionë euro. Ai u hap në vitin 2003 dhe iu nënshtrua modernizimit dy vjet më parë.
Policia tha se akuariumi shpërtheu herët në mëngjes, duke krijuar një zhurmë të madhe dhe duke përmbytur hollin e hotelit. Dy persona u plagosën nga copat e xhamit dhe u dërguan në spital, shtuan ata.
Incidenti shkaktoi gjithashtu ‘dëm të jashtëzakonshëm detar’ pasi akuariumi mbante rreth 100 lloje peshqish tropikal, sipas policisë.
Rreth 100 zjarrfikëse mbërritën në vendngjarje, ndërsa shkaku i ngjarjes është duke u hetuar.
