Sekretari Organizativ i Partisë së Lirisë, Endrit Braimllari ka akuzuar kryebashkiakun e Tiranës Erion Veliajn për përmbytjet në fshatrat e Fushë-Krujës.
Ai thotë se Veliaj ka urdhëruar hapjen e portave të liqenit të Bovillës, pa bërë asnjë paralajmërim dhe pa menduar se çfarë do të ndodhte.
“Pasi dy javë më parë hapi dyert e Hidrocentralit të Vaut të Dejës dhe përmbyti gjithë Shkodrën, tashmë historia përseritet në Tiranë dhe Krujë.
Majftuan pak shi gjatë natës dhe Erion Veliaj dha urdhërin që të hapen portat e liqenit të Bovillës pa marrë parasysh se çfarë mund të ndodh me ujin që derdhet prej tyre.”- shkruan ai.
Braimllari thotë se prefektura e qarkut Durrës i ka kërkuar Agjencisë Kombëtare të Mbrojtjes Civile një komunikim me administratorët e Liqenit të Bovillës për të pasur shkarkime të kontrolluara, duke i fajësuar ata për përmbytjet.
Braimllari thotë se Veliaj është duke rrezikuar kështu “pronat dhe jetën e shumë banorëve të tjerë”.
REAGIMI I BRAIMLLARIT
Erion Veliaj hap portat e Bovillës, përmbyten fshatrat e Krujës.
Mazhoranca në pushtet është e paaftë për të menaxhuar emergjencat edhe më të vogla.
Pasi dy javë më parë hapi dyert e Hidrocentralit të Vaut të Dejës dhe përmbyti gjithë Shkodrën, tashmë historia përseritet në Tiranë dhe Krujë.
Majftuan pak shi gjatë natës dhe Erion Veliaj dha urdhërin që të hapen portat e liqenit të Bovillës pa marrë parasysh se çfarë mund të ndodh me ujin që derdhet prej tyre.
Prefektura e Qarkut Durrës njofton sot se si pasojë e shkarkimeve të mëdha nga Bovilla, lumi Ishëm në pjesën e fshatit Marqinë, Njësia Administrative Bubq, ka dalë nga shtrati dhe ka përmbytur toka dhe po rrezikon banesat.
“Prefekti kërkon nga ana e Agjencisë Kombëtare të Mbrojtjes Civile për një komunikim me administratorët e Liqenit të Bovillës për të pasur shkarkime të kontrolluar.”- thuhet në njoftimin e Prefekturës së Durrësit.
Pra Erion Veliaj me papërgjeshmërinë e tij dhe pa asnjë ekspertizë teknike po kryen një krim, duke rrezikuar pronat dhe jetën e shumë banorëve të tjerë.
