Deputeti i Partisë Demokratike Ervin Salianji, ka akuzuar sot qeverinë se po u vjedh detin qytetarëve të Durrësit përmes projektit për Portin e ri.
Salianji deklaroi gjithashtu se miliona euro po dërgohen në xhepat e oligarkëve.
“Miliona euro të shpërdoruara vetëm për llogari të Partisë Socialiste që tani po kthehen në miliarda të një qeveria që vjedh shqiptarët. Shikoni si protestuan sot qytetarët e Bërxullës për një projekt 1.3 miliardë euro që po u merr shtëpitë. Shikoni qa po bëhet me rrugët. Do ti zhvasni shqiptarëve miliarda euro për t’ua dhënë oligarkëve.
Rruga e Arbrit, 20 milion euro të tjera i jepni koncensionarit. Të njëtën gjë po bëni me rrugë Qukës-Qafë Pllocë. Këtë e bëni para fushatës elektorale.
Shikoni ça bëhet me Portin e Durrësit, ia vodhët detin qytetarëve për të pastruar paratë tuaja në këtë projekt. Fitoni me portin e Durrësit dhe e çoni Portin e Durrësit në Porto Romano afër oligarkëve. Këto janë operacione mafioze për të përqëndruau të gjithë në duart e 5 njerëzve. Kushdo që ju del kundër mendoni se është armik, mendoni se keni prekur qiellin me dorë. Ashtui si në Divjakë do të ju hedhin shqiptarët në koshin e plehrave. Me emër do t’i them. A është ok koha se më duket mbaroi shpejt?
Prandaj rriten taksat, rritet energjia, jo vetëm si një mënyrë për të vjelë para por dhe si një mënyrë për të larguar shqiptarët. Vendosni injorantët në drejtim të institucione, kjo e bën të pamundur jetësen për qytetarët që investojnë në shkollim dhe bëjnë punë të ndershme.”– tha deputeti demokrat.
Salianji përmendi rastin e 3 anijeve të ardhura nga Libia me tonelata naftë dhe sipas tij askush nuk u dënua për rastin në fjalë.
“Ulet çmimi i naftës në bursë këtu nuk mblidhet bordi i oligarkëve. Tre anije për një muaj me evazion 13 milion dollarë që vijnë nga një vend me embargo si Libia nuk ka asnjë të dënuar. Trafikimin nuk e bëjnë ata që marrin naftën me bidon, e bëjnë këta. Lekët shkojnë në xhepat e qytetarëve. Dhe me ndërtimet e njëjta gjë, barazia para ligjit nuk ekziston. Pas Lakos dhe një poete dënohet për riparet e shtëpisë nga tërmeti. Shikoni kullat pa lejje. Si ka mundësi që dhjetëra pallate pa leje e kanë kthyer Tiranën në lavatriçen e parave të paligjshme.”- tha ai.
