Tedi Blushi i është drejtuar me pesë pyetje kryeministrit Rama pasi ish-presidenti Meta nxorri një foto me një karikaturë të kreut te qeverisë për revistën ‘Në shërbim të popullit’ ku flitej për heroizmin e një informatoreje të Sigurimit me emrin ‘Neta’.
Sekretari i Përgjithshëm i Partisë së Lirisë e pyet Ramën nëse ka marrë rrogë apo honorare nga Sigurimi për punën në revistën e lartpërmendur, kush ia gjeti punën dhe në këmbim të çfarë gjëje, çfarë e lidh atë me spiunen ‘Neta’, a i ka ofruar Sigurimit shërbime ekstra më 3 nëntor 1988 dhe çfarë e lidh atë me dosjen ‘Scavolini’ si dhe kush është spiuni i faktuar N.L.
Po kështu Blushi shkruan se Rama mashtron rëndë me pretendimin se Meta i ka propozuar Genta Sulën për kryetare të Autoritetit të Dosjeve
“PESË PYETJE PËR EDI.K.R APO EDVIN KRISTAQ RAMËN DHE NJË SQARIM.
1 – Edi.K.R apo Edvin Kristaq Rama, a ke marrë rrogë apo honorare nga Sigurimi i Shtetit për punën që kryeje në revistën e këtij organi “Në shërbim të popullit”?
2- Kush të gjeti punë në revistën e Sigurimit “Në shërbim të popullit” dhe në këmbim të çfarë?
3 – Çfarë të lidh ty me spiunen “Neta” që karikaturove në revistën e Sigurimit?
4 – A i ke ofruar Sigurimit ndonjë shërbim EKSTRA në 3 nëntor 1988. Kush ishte përkthyesi dhe çfarë të lidh ty me dosjen “Scavolini”? Po raportin ti e shkruajte?
5 – Kush është spiuni i faktuar N.L dhe a je i sigurt që nuk re në kurthin e “Radio Lojës”?
Karikaturisti me pagesë i Sigurimit të Shtetit, Edi.K.R apo Edvin Kristaq Rama mashtron rëndë kur pretendon se kryetaren e Autoritetit të Dosjeve ia ka propozuar Meta.
Të gjithë e dinë se ajo ka qenë Zëvendësministre e Veliajt (djali i instruktore Shpresës), e preferuara e tij dhe e Ramës.
Për më tepër, që karikaturisti me pagesë i revistës së Sigurimit “Në shërbim të popullit”, e di më mirë se kushdo që takimet apo bisedat për të cilat pretendon janë të dokumentuara.
Gjithsesi nuk ka më vend për justifikime dhe alibi.
Ajo që ka ndodhur është shumë e rëndë dhe Rama është përgjegjësi kryesor që ka urdhëruar manipulimet dhe falsifikimiet.
Ka shumë gjëra që kanë çmim.
Por kurrë Dinjiteti dhe Nderi.
Djali i Netës i di shaka këto.
Më keq për të dhe tarallakët që e ndjekin në këtë marrëzi!
BOLL U FSHEVE PAS FUSTANIT TË GRAVE DHE TË MAMIT! PËRGJIGJU TANI!”
