Presidenti Meta ka sqaruar kthimin në parlament të projektligjit për dhënien më koncesion të Parkut Kombëtar të Butrintit.
Ai theksoi se nuk është kundër bashkëpunimit mes shtetit e privatit po theksoi se dhënia me koncesion në rastin në fjalë ka probleme me transparencën dhe ligjin.
Sipas kreut të shtetit, marrëveshja ka probleme duke qenë se shmang auditimin e saj nga Kontrolli i Lartë i Shtetit.
“Marrëveshja duhet të bëhej në përputhje me përgjegjësitë shtetërore që e ngarkon Kushtetuta. Nëse sistemi i tanishëm duhet përmirësuar kjo është e pranuar po në asnjë mënyrë shteti nuk mund të deklarojë se nuk përmbush dot përgjegjësitë e tij të ngarkuara me ligj. Presidenti nuk është kundër bashkëpunimit mes shtetit e privatit apo bashkëpunimit me OJQ-të. Po është e papranueshme që një pasuri si Butrinti shteti të heqë dorë nga çdo gjë sipas përgjegjësive kushtetuese. Shteti duhet të ruajë parimet e përcaktuara në Kushtetutë. Tjetër problem është edhe për sa i përket dhënies së statutit partner strategjik. Tjetër problem është se sipas marrëveshjes, shmanget plotësisht auditimi i koncesionit nga institucioni më i lartë që është Kontrolli i Lartë i Shtetit.” – tha Meta.
