Ka dalë fotografia e autorit të dyshuar të plagosjes së 31-vjeçarit Ardit Kërtusha në një lokal në Durrës paraditen e djeshme.
Siç duket nga pamjet, i riu është i veshur me pantallona të shkurtra, bluzë të kuqe e kapele të zezë. Në shpinë ai mban një çantë të zezë ku kishte futur dy pistoletat që u përdorën në ngjarje.
Kërtusha, ka marrë një plumb në këmbë dhe ndodhet në Spitalin e Traumës jashtë rrezikut për jetën.
Në dëshminë e dhënë ai ka deklaruar se është larguar me vrap sapo ka parë që autorit i është bllokuar arma e parë.
Kërtusha e autori i dyshuar ishin përplasur edhe më herët me njëri-tjetrin për çështje pronash. Autori i dyshuar është identifikuar nga policia e cila ka nisur punën për kapjen e tij.
*Fotoja marrë nga BW
