Vendosni fjalën kyçe....

Ndeshja e play-off në NBA përfundon me të shtëna armësh, tifozët ia mbathin për të shpëtuar kokën (Video)


Tifozët e basketbollit e panë veten duke vrapuar nëpër rrugët e Milwaukee për t’u fshehur pasi tre persona u qëlluan në fund të humbjes së ekipit ndaj Boston Celtics në një ndeshje playoff në NBA.

Kampionët në fuqi Bucks humbën 108-95 në ndeshjen e gjashtë, ndërsa vizitorët barazuan 3-3 serinë e tyre gjysmëfinale të Konferencës Lindore.

Megjithatë, afër përfundimit të humbjes, tre persona u qëlluan pranë Forumit Fiserv në kompleksin argëtues ‘Dear District’, gjë që çoi në transportimin e një burri dhe një gruaje në spital, ndërsa një i tretë u dërgua më vonë.

Asnjë nga personat nuk ka pësuar lëndime të rrezikshme për jetën, sipas Departamentit të Zjarrfikësve të Milwaukee. Deri tani një 29-vjeçar është arrestuar dhe është dërguar në paraburgim, tha policia.

Në një deklaratë të shkurtër për ESPN, shefi i komunikimit i Milwaukee Bucks, Barry Baum, këmbënguli se incidenti ‘ndodhi jashtë Dear District’.

Fituesi i çiftit Bucks-Celtics do ndeshet në finalet e Konferencës Lindore me Miami Heat.