Republikat separatiste të Donetsk e Lugansk kanë ratifikuar një traktat miqësie dhe ndihme me Moskën, duke hapur zyrtarisht derën për marrjen e mbështetjes ushtarake dhe financiare, pasi presidenti rus Vladimir Putin nënshkroi një dekret që njeh pavarësinë e tyre.
Në deklaratat e lëshuara njëkohësisht të martën, parlamenti i Republikës Popullore të Donetskut dhe Këshilli Popullor i Luganskut deklaruan se vendimi për ratifikimin e ‘Traktatit të Miqësisë dhe Bashkëpunimit me Federatën Ruse’ ishte miratuar njëzëri nga të dy asambletë.
Një ditë më parë, Putin mbajti një fjalim televiziv kombëtar në të cilin tha: “Unë e gjykoj të nevojshme të marr një vendim që duhet të ishte marrë shumë kohë më parë dhe menjëherë t’i njoh të dyja si shtete sovrane.”
Masa, tha ai, ishte në përgjigje të viteve të luftimeve në lindjen e Ukrainës dhe përpjekjeve të Kievit për të ‘tërhequr shtetet e huaja në konflikt me vendin tonë’ me përpjekjet e tij për t’u bashkuar me NATO-n.
Parlamenti rus tani do të shqyrtojë marrëveshjet të martën dhe një komision parlamentar për çështjet ndërkombëtare ka rekomanduar tashmë ratifikimin e traktateve.
