Vendosni fjalën kyçe....

Bill Gates pretendon se ai mund të ndalojë pandemitë e ardhshme


Bashkëthemeluesi i “Microsoft” Bill Gates ka shkruar një libër në të cilin përshkruan “mësimet që mund të mësojmë” sipas tij nga pandemia e Covid-19.

Në këtë libër ai pretendon se duke investuar në kujdesin shëndetësor, në vaksina dhe “mbikëqyrjen globale të patogjenëve”, një tjetër pandemi si ajo e Covid-19 mund të parandalohet.

Gates njoftoi në një postim të martën se libri i tij i ri do të publikohet në muajin Maj. Siç shkruan RT, libri do të përshkruajë “hapat specifikë që mund të ndërmarrim jo vetëm për të ndaluar pandemitë e ardhshme, por edhe për të ofruar kujdes më të mirë shëndetësor për të gjithë në mbarë botën”.

Gates gjithashtu premtoi t’u tregonte lexuesve për “bisedat e tij të rregullta me drejtues të shëndetit publik si Anthony Fauci dhe Tedros Adhanom Ghebreyesus” dhe të shpjegonte pikëpamjen e tij “për vaksinat që po frenojnë valën”.

Gates, kualifikimi i vetëm i të cilit në mjekësi është një “kualifikim nderi”, ka qenë prej kohësh një ithtar i zhdukjes së sëmundjeve përmes vaksinimit. Gjatë pandemisë së Covid-19, ai u bë një nga avokatët kryesorë në botë për vaksinat, duke u shfaqur rregullisht në televizion për të nxitur publikun që të vaksinohet. Edhe kur u shfaq varianti Omicron dhe vendet më të vaksinuara në mbarë botën panë rritje të infeksioneve dhe vdekjeve, Gates dilte në televizion duke i konsideruar dozat përforcuese si një armë kyçe në ndalimin e transmetimit të Covid-19.

Gates ka inkurajuar gjithashtu qeveritë që të përgatiten për pandemitë dhe sulmet biologjike të ardhshme duke financuar ‘Germ Games’, një praktikë që do të kushtonte “dhjetëra miliarda” dollarë. Para shpërthimit të Covid-19, Gates financoi një ushtrim të tillë në vitin 2019. Ushtrimi modeloi përhapjen e një “koronavirusi të ri zoonotik të transmetuar nga lakuriqët te derrat e te njerëzit” që përfundimisht infektoi 80-90% të popullsisë globale përpara se të bëhej endemik.

Përfshirja e Gates në këto ushtrime dhe synimet e tij për të vaksinuar botën, e kanë bërë atë objektiv të teorive të shumta konspirative. Në postimin e tij, Gates tha se libri i tij i ardhshëm do të shpjegojë “si ka qenë të bëhej objekt i teorive konspirative”.