Legjenda kolumbiane Juan Cuadrado ka vënë në pikëpyetje dy gola të dyshimtë në fund të ndeshjes që siguroi ngjitjen e Union Magdalena një ligë m lart.
Shoqata e futbollistëve kolumbianë po bën thirrje për një hetim pas golave të shënuar me vonesë në minutën e 95-të dhe të 96-të në ndeshjen e Union Magdalena me Llaneros FC, do të thotë që Union, i cili ndodhet në rajonin Santa Marta të Magdalenës në Kolumbi, arriti ngjitjen në ligën Dimayor sezonin e ardhshëm. Llaneros po kryesonte 1-0 deri në fund përpara kthesës dramatike në kohën shtesë.
Pamjet e postuara në internet të golit të fitores nga Jonathan Segura duket se tregojnë mbrojtësit e Llaneros duke u larguar dhe duke lejuar skuadrën sulmuese të shënojë pa pengesa golin vendimtar të fitores, i cili erdhi pasi rivalët e tyre kryesorë të promovimit Fortaleza humbën 2-1 ndaj Bogota në të njëjtën natë.
Kolumbiani i Juventusit, Cuadrado, ishte ndër ata që menjëherë vuri në dukje rrethanat e dyshimta të golave të vonë, duke shkruar në internet se fundi i diskutueshëm tregonte një ‘mungesë respekti’.
Shoqata e futbollistëve profesionistë të futbollit kolumbian ACOLFUTPRO, e cila tha se përfundimi i ndeshjes ishte i mbuluar me një ‘petk dyshimi’.
“Duke pasur parasysh petkun e dyshimit që rezultati i ndeshjes ndërmjet Llaneros FC dhe Union Magdalena ka krijuar, ne i kërkojmë komisionit disiplinor të Ligës Dimayor të kryejë një hetim rigoroz sa më shpejt të jetë e mundur,” shkruan ata në një reagim në rrjet.
