Në një padi të vitit 2019, David Duvall pretendoi se ‘Novant Health’ shkeli të drejtat e tij civile kur kompania e pushoi atë një vit më parë dhe e zëvendësoi me dy gra, një të zezë dhe një të bardhë.
Duvall, i cili kishte punuar për firmën në Karolinën e Veriut për gati pesë vjet, u pushua nga puna papritmas mes një përpjekjeje të gjerë të kompanisë për të diversifikuar pozicionet e larta drejtuese, sipas raporteve të asaj kohe.
Juria u shpreh se ‘Novant Health’ shkeli ‘Titullin VII të Aktit të të Drejtave Civile’, i cili ndalon diskriminimin me bazë racore dhe gjinore në vendin e punës dhe i dha Duvall 10 milionë dollarë.
Vendimi u festua në internet nga konservatorët, të cilët prej kohësh mendojnë se nismat e diversitetit përdoren për të çrrënjosur në mënyrë të padrejtë meshkujt e bardhë nga vendet e punës.
Disa kompani kanë deklaruar hapur se ky është qëllimi i tyre dhe një studim i Harvardit i vitit 2016 zbuloi se prania e politikave të diversitetit të korporatave sinjalizon për ‘burrat e bardhë se mund të nënvlerësohen dhe diskriminohen’.
Ankesa e Duvall thoshte se ai nuk ishte i vetmi ekzekutiv i bardhë i pushuar nga puna gjatë lëvizjes së diversitetit të ‘Novant Health’.
Zyrtari kryesor ligjor i kompanisë, presidenti i grupit mjekësor, zyrtari kryesor i informacionit, oficeri i përvojës së pacientëve dhe presidenti i ‘Qendrës Mjekësore Haymarket’ u zëvendësuan të gjithë ose nga një person me ngjyrë ose një grua në 18 muajt pasi Duvall u lirua, raportoi Daily Mail.
