Ish-kryeministri Berisha ka akuzuar kreun e Partisë Demokratike, Basha, për pazare të fëlliqura me kryeministrin Rama.
Ai foli para një grupi simpatizantësh që ishin mbledhur para parlamentit, duke thënë se sot do nisë beteja për kthimin e sovranitetit në PD dhe kundër pazareve të turpshme mes Bashës e Ramës.
Në fund ai u premtoi simpatizantëve se nga kjo betejë, PD do dalë më e fortë dhe më e sigurt te fitorja.
“Sot nis beteja jonë, kundër pazareve të turpshme pazare të fëlliqura të Lulzim Bashës me Edi Ramën PD del nga kjo betejë më e fortë dhe më e sigurt se kurrë në fitore. Rroftë Partia Demokratike. Rroftë Shqipëria.” – deklaroi ish-kryeministri Berisha para hyrjes në parlament.
