Një incident i pazakontë ndodhi mbrëmjen e kaluar pak para fillimit të ndeshjes midis Gjermanisë dhe Francës në Mynih, ku një protestues u hodh me parashutë në stadium dhe pothuajse u përplas me tifozët.
Si pasojë e incidentit, të paktën dy spektatorë u trajtuan në spital me dëmtime në kokë.
Aktivisti i cili supozohej të hidhte një top me parulla në fushë për të protestuar kundër një sponsori të turnout, në vend të hidhte topin u përplas me kabllot televizive ‘spidercam’ në çatinë e stadiumit dhe humbi kontrollin.
Si pasojë, copa të mëdha plastike dhe metali ranë në fushë por edhe mbi kokat e dhjetra njerëzve në tribunën kryesore.
Menaxheri i Francës, Didier Deschamps dhe anëtarët e skuadrës dhe personeli i dhomës së pasme ishin mes atyre që u detyruan të vepronin për të mos u plagosur nga aktivisti dhe pajisja e tij.
Can’t believe I just caught this on video. Parachuted into the stadium, got caught in the spider cam and nearly crashed into the crowd. Hope he’s ok! #GERFRA #EURO2020 pic.twitter.com/PJ49WYdFM9
— Max Merrill (@MaxMerrill_) June 15, 2021
Daily Mail shkruan se të paktën dy persona u goditën, me njërin prej tyre që pësoi fraktura në fytyrë. Parashutisti, i cili u raportua të ishte një gjerman 38-vjeçar, bëri një uje të rëndë në fushë.
Yjet gjermanë Antonio Rudiger dhe Robin Gosens ishin të parët që iu afruan atij.
Aktivisti e shmangu vetë dëmtimin serioz dhe u tërhoq më pas nga administratorët e stadiumit. Pasi bëri një kontroll mjekësor në anën e fushës, ai u arrestua dhe u dërgua në qendrën e paraburgimit të stadiumit.
Aktivisti i “Greenpeace” po bënte një protestë kundër prodhuesit gjerman të makinave Volksëagen, një nga sponsorët e Kampionatit Evropian.
Grupi i fushatës tha se pendohen për çdo dëm të shkaktuar.
“Kjo protestë kurrë nuk kishte për qëllim të prishte lojën ose të lëndonte njerëzit”-thuhet në një postim në llogarinë zyrtare gjermane të “Greenpeace”.
“Shpresojmë që të gjithë janë mirë dhe askush nuk u lëndua rëndë. Veprimet e Greenpeace janë gjithmonë paqësore dhe jo të dhunshme. Fatkeqësisht, jo gjithçka shkoi sipas planit.”– vijon njoftimi.
