Jemin Gjana ka thënë para pak çastesh se ata persona që kanë pasr kartën e anëtarësisë janë lejuar në përgjithësi që të votojnë në zgjedhjet për kreun e PD-së.
Kreu i Komisionit Zgjedhor në PD tha se të gjithë ata që kanë kartën e anëtarësisë janë lejuar të votojnë edhe nëse nuk e kanë pasur emrin në listë.
“Në përgjithësi janë lejuar ato që kanë kartën e antarësisë, pa i penguar. Pash një Konjari se ishte e pezmatuar se nuk ka gjetur emrin në listë, është e vërtetë për efekt të përpunimit në sistemet e IT të emrave, nëse nuk rezulton në listë por disponon kartën e anëtarësie mund të votosh. Janë pengesa lëvizje të paqëllimshme, duke qenë të paqëllimshme kemi krijuar një hapësirë tjetër në lëvizje” – tha Gjana.
Ai shtoi më tej se të dhënat e para mbi rezultatin e votimit do jenë në 3 ose 4 orët e para pas mbylljes së qendrave ndërsa pohoi se rezultati përfundimtar do dalë nesër paradite.
“Një të dhënë të parë do e kemi rreth 3-4 orë pas mbylljes së votimit. Do presim deri nga mesnata degët që janë afër, të presim materialet, degët që janë shumë larg, Tropoja, Saranda, Kolonja, etj do i presim t’i sjellin nga orët e para të mëngjesit. Porosia është që t’i shqërojë kryetari i komisionit dhe cilido nga përfaqësuesit e kandidatëve. Nesër paradite shpallet fituesi.” – tha Gjana.
