Vendosni fjalën kyçe....

Kurti uron Ramën për mandatin e tretë: Uroj që së bashku të shtojmë bashkëveprimin


Kryeministri i Kosovës, Albin Kurti ka uruar homologun e tij Edi Rama për fitoren e mandatit të tretë.

Këto janë pritshmëritë e shqiptarëve thotë Kurti dhe i kërkon Ramës të punojë së bashku.

Më tutje Kurti thotë që pretendimet për paqartësi për procesin zgjedhor të sqarohen nga institucionet.

Sipas rezultateve paraprake të shpallura nga KQZ në Republikën e Shqipërisë, Partia Socialiste dhe kryeministri Edi Rama ka fituar zgjedhjet parlamentare. Kosova nuk mundet pa Shqipërinë e Shqipëria nuk mundet pa Kosovën, prandaj e përgëzoj kryeministrin e Shqipërisë Edi Ramën për rezultatet, dhe uroj që së bashku, si shqiptarë, të shtojmë bashkëveprimin mes nesh në të gjithë sektorët, si dhe t’i afrojmë standardet evropiane sa i përket demokracisë, zhvillimit ekonomik, drejtësisë e mirëqenies.

Njëkohësisht uroj që institucionet në Shqipëri të sqarojnë çdo paqartësi në lidhje me procesin zgjedhor që askujt të mos i preket e drejta e votës, mbi të cilën themelohet demokracia përfaqësuese.

Këto janë pritshmëritë e shqiptarëve, andaj, të punojmë së bashku”-shkruan Kurti.

 


Leave a Reply

Your email address will not be published. Required fields are marked *