Siria do të mbajë zgjedhjet presidenciale muajin e ardhshëm. Presidenti aktual Bashar al-Assad nuk pritet të përballet me kundërshtime serioze pavarësisht konfliktit të vazhdueshëm dhe një krize ekonomike në rritje.
Pas 10 vitesh luftë, sipas BBC-së qeveria siriane kontrollon shumicën e qendrave të mëdha të popullsisë në vend.
Rreth 400 mijë njerëz janë vrarë dhe mbi gjysma e sirianëve janë zhvendosur.
Zgjedhjet për presidentin që do të shërbejë një mandat shtatë-vjeçar do të zhvillohen në 26 maj, tha kryetari i Parlamentit, Hamouda Sabbagh.
Kandidatët e mundshëm për zgjedhjet do të jenë në gjendje të regjistrohen nga e hëna ndërsa sirianët jashtë vendit do të jenë në gjendje të votojnë në ambasada në datën 20 maj.
Këto janë zgjedhjet e dyta presidenciale që ndodhin gjatë luftës civile. Votimi i mëparshëm u bë në vitin 2014, që u konsiderua si jodemokratik dhe i paligjshëm si nga kundërshtarët brenda Sirisë dhe nga SHBA-ja dhe BE-ja. Në ato zgjedhje Assad fitoi 92% të votave.
Në zgjedhjet e 2014-ës, ishte gjithashtu hera e parë në dekada që dikush tjetër përveç një anëtari të familjes Assad lejohej të kandidonte për president në Siri. Por të dy kandidatët e tjerë nuk ishin të njohur gjerësisht dhe morën shumë pak publicitet.
Dera e hapur për nominimet do të jetë e hapur që nga e hëna për 10 ditë.
